Kada se kuva pasterizovano mlijeko Lazine, zašto sa pavlaka – masnoća ne „hvata“ na površinu?


Ovo je vrlo često postavljeno pitanje od strane domaćica. Za ovo je „kriv“ postupak homogenizacije. Homogenizacija je postupak razbijanja, usitnjavanja i izjednačavanja masnih kapljica u mlijeku,  čime se postiže veća stabilnost emulzije mliječne masti u vodi. Homogenizovano mlijeko ima puniji ukus, intenzivniju bijelu boju, a izdvajanje mliječne masti na površinu je spriječeno. Kada mlijeko nije homogenizovano krupne kapljice masti se povezuju i izdvajaju na površini. Ovo znači - kada se mlijeko homogenizuje, ono ima isti procenat masnoće kao i prije homogenizacije, bez obzira što se masne kapljice ne pojavljuju na površinu, a time se i ne može pokupiti kajmak (pavlaka – povlaka).